დიდიმამიშვილის ქუჩაზე კორპუსის ფასადი შეიღება და ეზოში გზა დაიგო

ახალციხეში, დიდიმამიშვილის ქუჩის №1–ის კორპუსის ფასადისა და ეზოს კეთილმოწყობა დასრულდა. ფასადი გაილესა და შეიღება, ამავდროულად აივნები მოპირკეთდა და დაიგო მეტლახის ფილები, ფანჯრებსა და აივნებზე მოეწყო საცრემლურები. ასევე, ეზოში 170 კვადრატულ მეტრზე დაიგო ასფალტის საფარი და კორპუსის გარშემო ბეტონის სარინებლები გაკეთდა.

ქალაქ ახალციხის მერიაში განმარტავენ, რომ ფასადის რეაბილიტაციისთვის 48 000 ლარი დაიხარჯა, ხოლო ეზოში ასფალტის დასაგებად 6 000 ლარი იყო გათვალისწინებული. სარეაბილიტაციო სამუშაოები შპს „პესპექტივამ“ შეასრულა.

[sknews.ge]