მეხანძრეებსა და მაშველებს ახალი გარანტიები დაუწესდათ

„სამოქალაქო უსაფრთხოების შესახებ“ კანონპროექტის ერთ-ერთი მთავარი სიახლე ფუნქციის მიხედვით მეხანძრე-მაშველთა, მაშველთა პირად და სამოქალაქო შემადგენლობებად დაყოფაა.

საკანონმდებლო პაკეტი შემდეგ სიახლეებს მოიცავს:

• სამსახურებრივი მოვალეობის შესრულებისას დაღუპული ან მიღებული დაზიანებების შედეგად გარდაცვლილი მეხანხძრე-მაშველის/მაშველის ოჯახის წევრებისთვის გაიცემა ერთჯერადად 100 000 ლარის და ყოველთვიური 1000-ლარიანი კომპენსაცია;

• დაწესდება ყოველთვიური დანამატი ნამსახური წლებისთვის. ასევე, წოდებრივი სარგო;

• ჯანმრთელობის დაზიანების შემთხვევაში, დაზიანების ხარისხის შესაბამისად, გაიცემა ერთჯერადი ფულადი დახმარება;

• დაწესდება სიცოცხლისა და ჯანმრთელობის სავალდებულო დაზღვევა, ხოლო მათი ოჯახის წევრებს ექნებათ დაზღვევის შესაძლებლობა;

• საჭიროების შემთხვევაში მოხდება უძრავი ქონების საცხოვრებლად სარგებლობაში გადაცემა;

• სამსახურებრივი მოვალეობის შესრულებისას მიყენებული ზიანი სრულად ანაზღაურდება;

• ნამსახურობის ვადის ამოწურვის გამო, დაინიშნება სახელმწიფო კომპენსაცია.


[თაკო ფეიქრიშვილი, ახალციხე]