ახალციხის ბაღებში მომხდარი შემთხვევა სამედიცინო დასკვნის გარეშე დარჩა

შემთხვევა, რომლის დროსაც, ახალციხის საბავშო ბაღების 54 აღსაზრდელი, ერთი და იმავე სიმპტომებით, საავადმყოფოში მოხვდა, 2016 წლის 28 მარტს მოხდა. ოთხი დღის განმავლობაში, ახალციხის ორ საავადმყოფოში, 3–დან 6 წლამდე ასაკის ბავშვები შეიყვანეს. ყველა მათგანს მუცლის ტკივილი, გულის რევის შეგრძნება და პირღებინება აღენიშნებოდა.

შემთხვევიდან სამი თვის შემდეგ, ახალციხის სკოლამდელი აღზრდის დაწესებულებათა გაერთიანების ხელმძღვანელი, ნანა ბერიძე ამბობს, რომ სამედიცინო დასკვნა, იმის შესახებ, თუ რამ გამოიწვია მცირეწლოვნების საავადმყოფოში გადაყვანა, უცნობია.
მერიის საკრებულოს სხდომაზე ნანა ბერიძეს კითხვა ,,ნაციონალური მოძრაობის“ დეპუტატმა, ზურაბ სადათიერაშვილმა დაუსვა – ,,მაინტერესებს, ბავშვები რომ დაიწამლნენ, იმ საკითხთან დაკავშირებით, საბოლოო ჯამში, რა დასკვნა დაიდო?“
ახალციხის სკოლამდელი აღზრდის დაწესებულებათა გაერთიანების ხელმღვანელის თქმით, მცირეწლოვნები საკვებით ინტოქსიკაცია გამორიცხულია.

,,დასკვნა არ გავქვს. დასკვნის გარეშეა, იმიტომ, რომ ვერ აღმოაჩინეს ის წყარო, საიდანაც ამოვიდა ბავშვთა მოწმავლა. საკვები გამოირიცხა იმიტომ, რომ მარტო ბაგა–ბაღის აღსაზრდელები არ დაფიქსირებულან სამედიცინო დაწესებულებაში. დაფიქსირდნენ სკოლის ასაკის ბავშვებიც და მოზარდებიც. ჯანდაცვა იყო ჩართული და ვერ დაადგინა რა ვირუსი იყო, ამიტომ დარჩა დასკვნის გარეშე“– განმარტა სკოლამდელი აღზრდის დაწესებულების ხელმძღვანელმა.

1 ივლისს, მერიის საკრებულოს სხდომაზე, ნანა ბერიძემ თვითმმართველობის წევრებს ა(ა)იპ ,,ქალაქ ახალციხის სკოლამდელი აღზრდის დაწესებულების“ მიერ შესრულებული სამუშაოების შესახებ ანგარიში წარუდგინა.
მისი თქმით, ქალაქ ახალციხეში სულ რვა საბავშვო ბაგა–ბაღი ფუნქციონირებს, სადაც 1 450 აღსაზრდელია. დაწესებულებებში 218 თანამშრომელი მუშაობს.

საბავშვო ბაღები ახალციხის მერიის ბიუჯეტიდან ფინანსდება. 2016 წლისათვის, მათი დაფინანდება 1 377 552 ლარია. გასულ წელთან შედარებით, თანხა 156 000 ლარით გაიზარდა. აღნიშნული დაფინანსება კომუნალური ხარჯებისათვის, კვების, გათბობისა და ხელფასებისათვის არის გათვლილი.

როგორც გაერთიანების ხელმძღვანელი ამბობს, საბავშვო ბაღების მიმართ ძირითადი შენიშვნები სურსათის ეროვნულ სააგნეტოს აქვს, რომელიც დაწესებულებებში მონიტორინგს ახორციელებს და გარკვეული შენიშვნების აღმოფხვრისათვის ერთ თვიან ვადას აძლევს.
რაც შეეხება საბავშვო ბაღების კეთილმოწყობას, ნანა ბერიძისი თქმით, ამ დროისათვის, ქალაქში ოთხი საბავო ბაგა–ბაღი სრულად გარემონტებულია და მაღალ სტანდარტებს შეესაბამება. დანარჩენი ოთხი კი გასარემონტებელია, თუმცა უახლოეს მომავალში იგეგმება ე.წ მწვანე საბავშვო ბაღის მშენებლობა, სადაც სამი დაწესებულბა გაერთიანედება, თავისი თანამშრომლებითა და აღსაზრდელებით. დარჩენილი ერთი საბავშვო ბაღი, რომელიც თამარაშვილის ქუჩაზე მდებარეობს მომავალში გარემონტდება.

[თაკო ფეირიშვილი, ახალციხე]