ქეთევან ხმალაძის საქმეზე მხარეებმა შესავალი სიტყვები წაიკითხეს

დღეს, 24 ივნისს ახალციხის რაიონულ სასამართლოში სხდომა დაახლოებით ერთი საათის განმავლობაში მიმდინარეობდა. პროკურორის შემდეგ შესავალი სიტყვა ექვსივე ბრალდებულის ადვოკატმა წაიკითხა.

ბოლოს, 13 ივნისს გამართულ პროცესზე, ერთ–ერთმა მოწმემ ნოდარ ა–მ განაცხადა, რომ იგი თავს ნაწილობრივ დამნაშავედ ცნობსდა. თუმცა, დღევანდელ სხდომაზე, ისევე როგორც დანარჩენმა ხუთმა ბრალდებულმა, მანაც განაცხადა, რომ თავს უდანაშაულოდ ცნობს.

პროკურორ ვასილ ოსიძის განცხადებით, მოწმეების დაკითხვა მომავალი პროცესიდან დაიწყება.
შემდეგი სხდომა 1 ივლისს გაიმართება.

შეგახსენებთ, ნინოწმინდაში მომხდარი მკვლელობის საქმეზე ჯგუფურ ყაჩაღობაში ბრალდებით ქეთევან ხმალაძე ხუთ პირთან ერთად 16 იანვარს დააკავეს.18 იანვარს ერთ–ერთი დაკავებული გირაოს სანაცვლოდ გაათავისუფლეს.

[თამუნა უჩიძე, ახალციხე]