სამცხე-ჯავახეთს სპორტისა და ახალგაზრდობის საქმეთა მინისტრი სტუმრობდა

ასპინძაში მინისტრმა ახლად რეაბილიტირებული საჭიდაო დარბაზი მოინახულა, სადაც ძიუდოს კლუბ "ქორების“ სპორტსმენებს გაეცნო და საჩუქრად სპორტული ინვენტარი გადასცა.

სპორტის მინისტრმა დაბა ასპინძაში რაგბის ბაზა და მასთან მისასვლელი გზის სარეაბილიტაციო სამუშაოებიც დაათვალიერა და პატარა მორაგბეებს შეხვდა, აღსანიშნავია რომ ასპინძის რაგბის ბაზაზე ახლახანს სამცხე-ჯავახეთის რეგიონალური კლუბი - "ტაო" დაფუძნდა, რომელიც ადგილობრივი მუნიციპალიტეტების მიერ მხარდაჭერილი პირველი სარაგბო გუნდი საქართველოში. კლუბის დაფუძნების მიზანი სამცხე-ჯავახეთის რეგიონში რაგბის ახალ საფეხურზე აყვანა და პოპულარიზაცია.

ტარიელ ხეჩიკაშვილი ახალციხეში სასპორტო სკოლასაც ეწვია, სადაც ძალოსანთა კლუბის წევრებს შეხვდა და მათ მიღწევებს გაეცნო. ვიზიტის ფარგლებში მინისტრმა მხარისა და მუნიციპალიტეტების ხელმძღვანელებთან იმ პრობლემების მოგვარებაზე ისაუბრა, რომელიც რეგიონში სპორტის მიმართულებით ჯერჯერობით ისევ არსებობს და გამოთქვა მზადყოფნა , რომ ერთობლივი ძალებით ყველა საკითხი გადაიჭრება.

[sknews.ge]