ბორჯომი მუსიკოსთა ეროვნულ კონკურსს მასპინძლობს

მუსიკოსთა ეროვნული ფესტივალი საზეიმოდ, ბორჯომის ცენტრალური პარკის კინო-საკონცერტო დარბაზში 17:00 საათზე გაიხსნა. მასში 6-დან 25–წლამდე ასაკის ახალგაზრდები მონაწილეობენ.

კონკურსი ტარდება ორ სპეციალობაში: ფორტეპიანო და კამერული ანსამბლი. ფორტეპიანოში კონკურსის მონაწილეები ხუთ, ხოლო კამერულ ანსამბლში ოთხ ასაკობრივ კატეგორიად იყოფიან.

„იმედი გვაქვს, რომ კონკურსი სამომავლოდ შეიძენს ფართო მასშტაბებს და გახდება საერთაშორისო მნიშვნელობის. ეს კი თავისთავად ხელს შეუწყობს საქართველოს წარმოჩენას მსოფლიოში“, - აცხადებს ბორჯომის მუნიციპალიტეტის გამგებელი დიმიტრი ყიფიანი.

თენგიზ ამირეჯიბის სახელობის მუსიკოსთა ეროვნული კონკურსის დამფუძნებელი და სამხატვრო ხელმძღვანელია თამარ ლიჩელია. ღონისძიების მხარდამჭერია ბორჯომის მუნიციპალიტეტი.

[ლუბა გიორგაძე, ბორჯომი]