ანსამბლმა „ლომსიამ“ ქორეოგრაფის იუბილე აღნიშნა

ანსამბლმა „ლომსიამ“ ქორეოგრაფის იუბილე მესხეთის სახელმწიფო დრამატულ თეატრში იზეიმა. ღონისძიებაზე მოცეკვავეებმა შეასრულეს როგორც ქართული, ასევე, უკრაინული, მესხურ–ებრაული და სამეჯლისო ცეკვები;

კონცერტში მონაწილეობდა სამცხე-ჯავახეთის სახელმწიფო უნივერსიტეტთან არსებული ქორეოგრაფიული ანსამბლი "ახალციხე“. სხვადასხვა ნომრები შეასრულეს სტუდია „პალიტრას“ მომღერლებმაც.

„ვფიქრობ, რომ გამორჩეული კონცერტი იყო“, – ამბობს ანსამბლ „ლომსიას“ ქორეოგრაფი ქრისტინე მენაბდიშვილი.

საღამო მაშხალებითა და ფოიერვერკით დასრულდა.



[მარიამ ბარძიმაძე, ახალციხე]