სიგელი სამსახურეობრივი მოვალეობის პირნათლად შესრულებისთვის

2 ივნისს, პოლიციის დღესთან დაკავშირებით, სამსახურეობრივი მოვალეობის სანიმუშოდ შესრულებისა და მიღწეული წარმატებებისთვის, სამკერდე ნიშანი და მადლობის სიგელი, სამცხე-ჯავახეთის პოლიციის დეპარტამენტის ასპინძის რაიონული სამმართველოს უბნის ინსპექტორების განყოფილების უბნის ინსპექტორ-გამომძიებელმა სოსო მელიქიძემ მიიღო.

სამკერდე ნიშნისა და სიგელის გარდა, შსს-ს ასპინძის რაიონული სამმართველოს თანამშრომელს ვადამდელი წოდებაც მიენიჭა.

სოსო მელიქიძე, 2014 წლის 11 ივნისს, სამსახურეობრივი მოვალეობის შესრულების დროს კუთვნილი ავტომობილით ავტოავარიაში მოყვა. დღეისათვის იგი ეტლით გადაადგილდება და სამცხე-ჯავახეთის პოლიციის დეპარტამენტის, ასპინძის რაიონულ სამმართველოში მუშაობას აგრძელებს.
სოსო მელიქიძე შინაგან საქმეთა სამინისტროში 2009 წლიდან მუშაობს.

[ლუბა გიორგაძე, ასპინძა]