ახალციხელი მძლეოსნების წარმატება ეროვნულ ჩემპიონატზე

7 ოქრო, 9 ვერცხლი და 1 ბრინჯაო– ამ შედეგით დაბრუნდნენ მძლეოსნობის ეროვნული ჩემპიონატიდან ახალციხელი სპორტსმენები. გარდა ამისა, ისინი გუნდურად თასით დაჯილდოვდნენ.

ახალციხის გუნდში 10 სპორტსმენი ასპარეზობდა.

პირველი ადგილი 400, 800, და 3 000 მეტრ მანძილზე სირბილში, როგორც გოგონების, ასევე ბიჭების შემადგენლობამ მოიპოვა.

„გუნდში 4 გოგო ვიყავით. ამანათრბენში ავიღეთ მეორე ადგილი, ბიჭებმა კი პირველი დაიკავეს“, – ამბობს მარიამ გელაშვილი.

საქართველოს ეროვნული ჩემპიონატი მძლეოსნობაში, თბილისში 26–28 მაისს ჩატარდა. მასში მძლეოსნები ქვეყნის ყველა რეგიონიდან მონაწილეობდნენ.

„ეროვნული ჩემპიონატი მძლეოსნობაში ძირითადი შეჯიბრია. საამაყოა, რომ ასეთ შეჯიბრში წარმატებით ვიასპარეზეთ და ჩვენმა მძლეოსნებმა სხვადახვა ინსტანციებზე პირველი ადგილები მოიპოვეს“, – განმარტავს ახალციხის მძლეოსნობის სპორტული კლუბის დირექტორი ზიგმუნდ ზილბერშტეინი.

[თაკო ფეიქრიშვილი, ახალციხე]