ახალციხელი მძლეოსნები ჩემპიონატიდან 14 მედლით დაბრუნდნენ

ეროვნული ჩემპიონატი თბილისში, 19–20 მაისს გაიმართა. ახალციხიდან მასში მონაწილეობა ათმა სპორტსმენმა მიიღო. საბოლოოდ, მძლეოსნები ახალციხეში 14 მედლით დაბრუნდნენ. აქედან: ხუთი ოქრო, შვიდი ვერცხლი და ორი ბრინჯაო მოიპოვეს.

400 და 200 მეტრ რბენაში ორი ოქროს მედლის მფლობელი გახდა მინდია ენდელაძე.

ასევე, ორი ოქროს მედალი მოიპოვა, სიგრძეზე და სამმაგ ხტომაში, ირინა მიკიტიუკმა.

ერთი ოქროს მედალი კი ჰასმიკ მარკარიანმა მიიღო,1500 მეტრ რბენაში.

"ზოგიერთმა სპორტსმენმა სხვადასხვა დისტანციაზე გარბენში რამდენიმე მედალი მიიღო. ზოგი ორი მედლით დაბრუნდა, ზოგი სამით. საერთო ჯამში, წარმატებული ასპარეზობა გვქონდა", – ამბობს სამცხე–ჯავახეთის მძლეოსნობის ფედერაციის პრეზიდენტი ზიგმუნდ ზილბერშტეინი.





[თაკო ფეიქრიშვილი, ახალციხე]