ახალციხის მერიამ ომში დაღუპულთა ოჯახებისთვის ფულადი დახმარება გასცა

გიორგობის დღესასწაულთან დაკავშირებით, ქალაქ ახალციხის მერიამ, ახალციხეში რეგისტრირებულ, საქართველოს ტერიტორიული მთლიანობისთვის და ავღანეთის ომში დაღუპულთა 9 ოჯახს ერთჯერადად ფულადი დახმარება გადასცა. ქალაქის მერი გიორგი კოპაძე, დღეს, 5 მაისს დაღუპულთა ოჯახის წევრებს პირადად შეხვდა.

"სახელმწიფო სერიოზულად ზრუნავს მათზე, თუმცა ჩვენც შევეცადეთ, რომ მცირედი საჩუქარი გაგვეკეთებინა. ეს პროგრამა შარშანაც განხორციელდა და სანამ მე ვიქნები ხელისუფლების სათავეში შევეცდები, რომ მომავალშიც გაგრძელდეს" – ამბობს გიორგი კოპაძე.

საქართველოს ტერიტორიული მთლიანობისთვის დაღუპულების ოჯახის წევრები ამბობენ, რომ კარგია როცა მერია მათ მიმართ ყურადღებას იჩენს.

"შეძლება არაფერი დახმარება არ მოგვცენ, მაგრამ ეს არის ელემენტარული ყურადღება ჩვენი და ჩვენი მიცვალებულების მიმართ", – ამბობს ჰასმიკ იაძე.

[მანანა სარაშვილი, ახალციხე]