ნინოწმინდაში სააღდგომოდ პრემია 86.000 ლარი გასცეს

ნინოწმინდის მუნიციპალიტეტის გამგებელმა გაგიკ კარსლიანმა პრემია 2 630 ლარი მიიღო, მისმა პირველმა მოადგილემ ალექსანდრე მიქელაძემ 1 700 ლარი, მეორე მოადგილემ ართავაზ ტონოიანმა კი, 1 550 ლარი.

სამსახურის უფროსებზე პრემია 1000 ლარი გაიცა. განყოფილების უფროსებზე 810 ლარი, მთავარი და წამყვანი სპეციალისტების წინასააღდგომო პრემიამ 560–530 ლარი შეადგინა.

ჯამში წინასააღდგომოდ ნინოწმინდის გამგეობისა და საკრებულოს 128 თანამშრომლის პრემიამ 86.000 ლარი შეადგინა.

[ვარლამ წიკლაური, ნინოწმინდა]