ბაკურიანის მიწების საქმეში ბრალდებულთან საპროცესო გაფორმდა

ე. ჩახალიანთან საპროცესო შეთანხმება გუშინ, 19 მაისს გაფორმდა. როგორც ახალციხის რაიონულ სასამართლოში აცხადებენ, მას პირობითი სასჯელი შეეფარდა.

აქამდე ჩახალიანს აღკვეთის ღონისძიებად პატიმრობა ჰქონდა შეფარდებული. მას გამოძიება ბაკურიანში 577 817 ლარის ღირებულების მიწის ნაკვეთის დანაშაულებრივი გზით დასაკუთრებას ედავებოდა. პროკურატურამ ჩახალიანს ბრალი 21 აპრილს წარუდგინა სსკ–ის 180–ე და 362–ე მუხლებით, რაც თაღლითობასა და ყალბი დოკუმენტის შეძენა–გამოყენებას გულისხმობს.

შეგახსენებთ, ტყის ნაწილი ბაკურიანში, რომელიც დაახლოებით ერთი თვის ვადაში ადგილობრივებმა დაისაკუთრეს და ნაწილმა გაყიდა კიდეც, დაყადაღებულია. მათ შორის ვის ნაკვეთებსაც ყადაღა ადევს, გარდა ჩახალიანისა, პასუხისგებაში კიდევ სამი პირი მისცეს.

18 მაისს, ბაკურიანში მცხოვრებლები პროკურატურასთან იმ მოთხოვნთ შეიკრიბნენ, რომ ოლქის პროკურორს შეხვედროდნენ. პროკურატურამ ამის შესახებ მათ წერილობით მიმართვა სთხოვა და დაპირდა, რომ პასუხს აუცილბელად მიიღებენ.

[თამუნა უჩიძე, ახალციხე]