უნიკალური მასალების გამოფენა ახალქალაქში [Photo]

ექსპოზიციას მხარის მუნიციპალიტეტების საჯარო სკოლების უფროსკლასელები, სამცხე-ჯავახეთის სამხარეო ადმინისტრაციის, ადგილობრივი თვითმმართველობისა და საზოგადოების წარმომადგენლები სტუმრობდნენ.

გამოფენაზე წარმოდგენილი იყო საქართველოს დამოუკიდებლობის დღის შესახებ ეროვნული ბიბლიოთეკის ფონდებში დაცული უნიკალური მასალები: საქართველოს დამოუკიდებლობის აქტი, ნოე ჟორდანიას, ნოე რამიშვილის, აკაკი ჩხენკელისა და ნიკო ნიკოლაძის პირადი ნივთები, 1918-1921 წლებში დაწესებული პირველი ქართული ჯილდო - თამარ მეფის ორდენი, 1918 წელს ჩატარებული პირველი არჩევნების ამსახველი მასალები, 1921 წლის 26 თებერვალს გამოცემული საქართველოს პირველი კონსტიტუცია, პრესაში 26 მაისთან დაკავშირებით გამოქვეყნებული მასალები, ასევე აკაკი ჩხენკელის მიერ გენერალ გიორგი კვინიტაძისათვის გაგზავნილი დეპეშის დეშიფრანტი, სადაც ჩხენკელი კვინტრაძეს სთხოვს, რომ გადასცეს ეროვნულ საბჭოს დაუყოვნებლივ გამოაცხადონ საქართველოს დამოუკიდებლობა და სხვა საინტერესო ნივთები.

უნიკალური ექსპოზიცია ახალქალაქის გარდა საქართველოს 8 ქალაქში - ბათუმში, ოზურგეთში, ფოთში, ზუგდიდში, ქუთაისში, გორში, თელავსა და მარნეულში იმოგზაურებს.

საქართველოს პარლამენტის ეროვნული ბიბლიოთეკის მიერ ორგანიზებული რეგიონული ტურნე 11-დან 22 მაისამდე გრძელდება.












[sknews.ge]