ახალციხის ციხეზე 1918–1921 წლების ისტორია გააცოცხლეს

ბოლშევიკური რუსეთის მიერ საქართველოს ოკუპაცია, დამოუკიდებლობის დაკარგვა და თავისუფლებისთვის ბრძოლა – გოგა პიპინაშვილის სტუდია „ართ ჰოლის“ ახალგაზრდებმა 1918–1921 წლების ისტორიულ მოვლენებზე თეატრალური წარმოდგენა გამართეს.



„მაყურებლის წინაშე დღეს პირველად წარვსდექით. ამ წარმოდგენის მზადების პროცესში ღამეები თითქმის არ გვძინებია. ვფიქრობ, კარგად მოვყევით ჩვენი ქვეყნის ისტორია“, – ამბობს სტუდია „ართ ჰოლის“ პედაგოგი დუტა სხირტლაძე.

თბილისიდან ჩამოსული მსახიობების შემდეგ, სცენაზე ბორჯომის პირველი საბავშვო ბაღის აღსაზრდელები ავიდნენ. ჯარისკაცის ფორმაში გამოწყობილმა პატარებმა ეროვნული დროშით ხელში, პატრიოტულ თემებზე ლექსები წაიკითხეს.



საქართველოს დამოუკიდებლობის დღისადმი მიძღვნილ ღონისძიებებს, ახალციხეში 21:00 საათზე გრანდიოზული ფოეიერვერკი დაასრულებს.

[ავთო ინასარიძე, ახალციხე]