არასრულწლოვნების საქმეზე ძიება შეწყდა

პროკურატურამ ძიება 28 აპრილს შეწყვიტა.

საქმის შეწყვეტის მიზეზს აღნიშნულ უწყებაში ასე განმარტავენ: „პირებს არ მიუღწევიათ იმ ასაკისთვის, რა ასაკიდანაც სისხლის სამართლებრივი პასუხისმგებლობა დგება“.

საქმეს ახალციხის რაიონული სამმართველო სსკ–ის 177–ე მუხლით იძიებდა, რაც ქურდობას გულისხმობს. არასრულწლოვნებს პოლიცია ქურობის ფაქტზე „ბილაინის“ საწყობში დაადგა. მათ მიერ კომპანიისთვის მიყენებულმა ზარალმა 10 871 ლარი შეადგინა.

შეკითხვაზე, რას აპირებს კომპანია, იდავებს თუ არა სასამართლოში მიყენებული ზარალის ამოღების მიზნით, „სამხრეთის კარიბჭემ“ „ბილაინისგან“ პასუხი ვერ მიიღო. სათაო ოფისში მოუცლელობის გამო ვერ გვიპასუხეს, რეგიონულ ოფისში კი ამბობენ, რომ არაფერი იციან.
ამ დრომდე, ზარალის ანაზღაურებასთან დაკავშირებით არასრუწლოვნების მშობლებს არც კომპანიიდან და არც საგამოძიებო უწყებიდან არავინ დაკავშირებით.

შეგახსენებთ, რომ ახალციხის რაიონული სამმართველოში 10 არასრულოწვანი 14 აპრილს სხვადასხვა დროს მიიყვანეს. მათ პოლიციის შენობა დაახლოებით 22:00 საათზე დატოვეს. მომხდარს შსს სისხლის სამართლის კოდექსის 177–ე მუხლით იძიებს, რაც ქურდობას გულისხმობს.

[თამუნა უჩიძე, ახალციხე]