”ქართული ოცნება” დღეს ყრილობას გამართავს

ამ პოსტზე საქართველოს პრემიერ-მინისტრი გიორგი კვირიკაშვილია წარდგენილი. გარდა ახალი თავმჯდომარის არჩევისა, პარტიის წევრები პოლიტსაბჭოს განახლებულ შემადგენლობას აირჩევენ და ახალ წესდებას დაამტკიცებენ.

„ქართული ოცნება-დემოკრატიული საქართველოს“ აღმასრულებელი მდივნის, ირაკლი კობახიძის განცხადებით, პარტიის რიგით მეოთხე ყრილობაზე დასასწრებად მოსაწვევები პირველ რიგში პარლამენტში დაიგზავნა.მისითე თქმით, მოსაწვევები ასევე დაეგზავნათ საპარლამენტო უმრავლესობაში შემავალ პარტიებს.

„პარტიის ყრილობა ძალაშია. 14 მაისს, 16:00 საათზე, თბილისის სპორტის სასახლეში გაიმართება პარტიის რიგით მეოთხე ყრილობა. რაც შეეხება მოსაწვევების თემას, არ ვიცი, რა საფუძველი აქვს ამ ყველაფერს. რეალურად, მოსაწვევი დაეგზავნა ყველა ადრესატს. პირველ რიგში მოსაწვევები დაიგზავნა პარლამენტში- ჩვენს ფრაქციაში“, - აღნიშნა ირაკლი კობახიძემ.

მისივე ინფორმაციით, ყრილობაზე მიწვეული არიან ყოფილ პრემიერ-მინისტრები ბიძინა ივანიშვილი და ირაკლი ღარიბაშვილი.

პარტიულ ყრილობაზე ”ქართულმა ოცნებმა” დიპლომატიური კორპუსისა და არასამთავრობო ორგანიზაციების წარმომადგენლებიც მიიწვია.
პარტიის ყრილობა თბილისის სპორტის სასახლეში 16:00 საათზე დაიწყება.



[ნინო ნარიმანიშვილი, ახალციხე]