ვინ არიან "ქართული ოცნების" პოლიტსაბჭოს ახალი წევრები

პოლიტსაბჭოს ახალი წევრები არიან - დავით ბაქრაძე, დავით კოღუაშვილი, მამუკა მდინარაძე, ირინე ფრუიძე, რომან კაკულია, სოფიო კილაძე, აკაკი ზოიძე, ზვიად გონაძე და პარტიის აღმასრულებელი მდივანი ირაკლი კობახიძე.

დავით ბაქრაძე - ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი;

დავით კოღუაშვილი - აშშ–ის სამართლის მაგისტრის სამეცნიერო ხარისხის მფლობელი; ევროკავშირის მხრიდან მთავრობის საერთაშორისო სავაჭრო ურთიერთობათა მთავარი მრჩეველი; ამერიკის სახელმწიფო ხაზინის მრჩეველი საბაჟო რეფორმების საკითხებში; ამერიკის კონგრესის სპეციალური ჯილდოს მფლობელი დემოკრატიის განვითარებაში შეტანილი წვლილისათვის. იყო საქართველოს პარლამენტის წევრი, პარტია
"ახალი მემარჯვენეების“ დამფუძნებელი;

მამუკა მდინარაძე - იურისტი, სამართლის დოქტორი. ორგანიზაცია „ადვოკატთა ალიანსის“ თავმჯდომარე;

ირინე ფრუიძე - სოციალურ და პოლიტიკურ მეცნიერებათა მაგისტრი ინტელექტუალურ კლუბის „რა? სად? როდის?“ წევრი;

რომან კაკულია - საერთაშორისო ურთიერთობების სპეციალისტი. ამჟამად ევროკავშირის პროგრამების დეპარტამენტის უფროსი;

სოფიო კილაძე - საერთაშორისო საჯარო სამართლის სპეციალისტი. შინაგან საქმეთა სამინისტროს აკადემიის პრორექტორი;

აკაკი ზოიძე - ჯანმრთელობის მსოფლიო ორგანიზაციის წამყვანი მკვლევარი;

ზვიად გონაძე - საქართველოს საგარეო საქმეთა მინისტრის მოადგილე, ეკონომიკის მაგისტრი;

პოლიტსაბჭოში დარჩნენ ძველი წევრებიც" პარტიის გენერალური მდივანი - კახა კალაძე, დეპუტატები: გიორგი ვოლსკი, მანანა კობახიძე, ეკა ბესელია, ირაკლი სესიაშვილი, ირაკლი ტრიპოლსკი, თემურ ჭკუასელი, ზვიად კვაჭანტირაძე, გედევან ფოფხაძე; საპარტნიპორი ფონდის ხელმძღავნელი დავით საგანელიძე, ფინანასთა მინისტრი ნოდარ ხადური.

შეგახსენებთ, თბილისში, სპორტის სასახლეში პოლიტიკური პარტია ”ქართული ოცნება-დემოკრატიული საქართველოს” რიგით მეოთხე ყრილობა მიმდინარეობს, რომელსაც ყოფილი პრემიერები, ბიძინა ივანიშვილი და ირაკლი ღარიბაშვილი ესწრებიან. ყრილობაზე პარტიის თავმჯდომარედ მოქმედი პრემიერი, გიორგი კვირიკაშვილი აირჩიეს.

[ნინო ნარიმანიშვილი, ახალციხე]