დღეს ‘ნაციონალური მოძრაობა’ ყრილობას გამართავს

პარტია „ნაციონალური მოძრაობის“ პოლიტსაბჭოს ორი თანათავმჯდომარე - ნიკა მელია და ზაზა ბიბილაშვილი ეყოლება. მეშვიდე ყრილობა დღეს, 14:00 საათზე სპორტის სასახლეში გაიმართება. ყრილობის ძირითადი ნაწილი პოლიტიკური ლიდერების გამოსვლას დაეთმობა. ასევე საორგანიზაციო კომისიის შეფასება მოხდება, რომელსაც ყრილობა ცნობად მიიღებს.

დღეს დაგეგმილ ყრილობაზე პარტიის პოლიტსაბჭო დაკომპლექტდება, რომელიც აღნიშნულ პოსტებზე ნიკა მელიასა და ზაზა ბიბილაშვილს აირჩევს.

შეგახსენებთ, რომ სამცხე–ჯავახეთიდან „ნაციონალების“ ყრილობაზე მხოლოდ ბორჯომის ორგანიზაციიდან მიდიან, თუმცა ბორჯომელი დელეგატები არჩევნებში მონაწილეობას ვერ მიიღებენ.

[sknews.ge]