2015 წელს ოჯახში ძალადობის 2 726 ფაქტი გამოვლინდა [ინფოგრაფიკა]

საქართველოს მთავარი პროკურატურის მონაცემებით, კი 2015 წელს ქალთა მკვლელობისა და მკვლელობის მცდელობის 28 შემთხვევა გამოვლინდა. აქედან, 16 შემთხვევა ოჯახში ძალადობის პირობებში იქნა ჩადენილი, ხოლო 12 შემთხვევაში დანაშაულის ჩადენის სხვა მოტივი გამოიკვეთა. შემთხვევათა უმრავლესობა ჩადენილია პარტნიორის, ყოფილი პარტნიორის ან პირის მიერ, რომელსაც უარი ეთქვა პარტნიორულ ურთიერთობაზე.

ეს არის მონაცემები, რომელიც ქალთა უფლებრივი მდგომარეობისა და გენდერული თანასწორობის შესახებ საქართველოს სახალხო დამცველის საპარლამენტო ანგარიშშია მოყვანილი. სამთავრობო და არასამთავრობო უწყებებს და მედიას სახალხო დამცველმა უჩა ნანუაშვილმა ანგარიში დღეს წარუდგინა.

„ძალიან მძიმეა ქალთა მიმართ ძალადობისა და ოჯახში ძალადობის თვალსაზრისით არსებული რეალობა, განსაკუთრებულ შეშფოთებას ქალთა მკვლელობების შემთხვევები იწვევს“, – აცხადებს ნანუაშვილი.

ანგარიშის თანახმად, ოჯახში ძალადობის შესახებ რეგიონებში დაბალი მიმართვიანობაა. განსაკუთრებით დაბალი მაჩვენებელია რაჭა-ლეჩხუმის, მცხეთა-მთიანეთის, სამცხე-ჯავახეთისა და გურიის რეგიონებში.



ამავე ანგარიშის მიხედვით, ასევე საგანგაშოა მდგომარეობა ადრეულ ასაკში ქორწინების თვალსაზრისით. 2015 წელს დარეგსტრირდა 1449 არასრულწლოვანი მშობელი და 611 არასრულწლოვანი პირის ქორწინება. ოჯახის შექმნის მიზეზითკი 2015 წელს სწავლა 13–დან 17 წლამდე ასაკის 408 მოსწავლემ შეწყვიტა.

ამ ანგარიშის თანახმად, საქართველოში კვლავ გამოწვევას წარმოადგენს ქალთა პოლიტიკური მონაწილეობა. საქართველო ქალთა პოლიტიკური მონაწილეობის მაჩვენებლით 145 ქვეყანას შორის 114-ე ადგილზეა;

[ნინო ნარიმანიშვილი, ახალციხე]