300 ლარი საჩუქრად გამგეობისგან ახალქალაქელ ვეტერანებს

დღეს, 9 მაისს, ფაშიზმზე გამარჯვების 71–ე წლისთავთან დაკავშირებით, ახალაქლაქში ღონისძიებები დილიდან დაიწყო. ომის მონაწილეები, ადგილობრივი ხელისუფლების წარმომადგენლები და მოქალაქეები, ჯერ გამგეობის შენობასთან შეიკრიბნენ, შემდეგ კი ვაჩაგან ვანციანის ძეგლი გვირგვინებით შეამკეს.

ვეტერანებს ფაშიზმზე გამარჯვების დღე ახალქალაქის მაჟორიტარმა დეპუტატმა, საპარლამენტო უმცირესობის წევრმა სამველ პეტროსიანმა,საკრებულოს თავმჯდომარემ ჰამლეტ მოვსესიანმა და ვეტერანთა კავშირის ხელმძღვანელმა მკრტჩ კტოიანმა მიულოცეს.

ახალქალაქის გამგეობამ ომის ვეტერანებს ერთჯერადად 300 ლარი ჩაურიცხა. 450 ლარი გადაეცა მარჩენალდაკარგულთა 4 ოჯახს. გარდა ამისა, ახალქალაქში მცხოვრები ვეტერანები მიიღებენ სახელმწიფოსგან 600 ლარს და პრეზიდენტისგან მედიკამენტების ვაუჩერს.

[sknews.ge]