უდეში სკვერის რეაბილიტაცია იწყება

სოფელ უდეში რეაბილიტაცია სოფლის ცენტრში მდებარე სკვერს ჩაუტარდება, მოიხსნება რკინის ღობე, მოეწყობა საფეხმავლო ბილიკები, დაიდგმება სკამები, ნაგვის ურნები და დამონტაჟდება ლამპიონები.

ადიგენის მუნიციპალიტეტის გამგეობამ პარკის რეაბილიტაციისთვის ტენდერი 113.910 ლარზე გამოაცხადა, ტენდერში მონაწილეობა მხოლოდ ერთმა შპს „მშენებელი 2004–მა“ მიიღო. ბოლო შეთავაზების მიხედვით კომპანია პარკის რეაბილიტაციას 107.700 ლარად გეგმავს. გაიმარჯვებს თუ არა ტენდერში აღნიშნული კომპანია უახლოეს დღეებში გაირკვევა.

სამუშაოები ხელშეკრულების დადებიდან 63 დღეში უნდა დასრულდეს.

[თინათინ ზაზაძე, ადიგენი]