პედაგოგებისათვის საგნობრივ ტრენინგებზე რეგისტრაცია იწყება

საჯარო სკოლის მოქმედი მასწავლებლებისთვის და იმ კერძო სკოლების პედაგოგებისთვის, რომლებიც მასწავლებლის საქმიანობის დაწყების, პროფესიული განვითარებისა და კარიერული წინსვლის სქემაში არიან ჩართულნი, ტრენინგის გავლა უფასოა.

მასწავლებელთა პროფესიული განვითარების ეროვნული ცენტრის ინფორმაციით, სატრენინგო პროგრამა პრაქტიკოსი პედაგოგების საგნობრივი ცოდნის აქტივაციას, საგნობრივი მეთოდიკის ასპექტების და ზოგადი პროფესიულ უნარების განვითარებას შეუწყობს ხელს.

„ტრენინგის მიმდინარეობისას მასწავლებლებს საშუალება ექნებათ გაეცნონ საგნის გამოცდის მოთხოვნებს და განსაზღვრონ საკუთარი ძლიერი და სუსტი მხარეები, რათა უკეთ დაგეგმონ გამოცდებისათვის მზადების პროცესი“, – აცხადებენ მასწავლებელთა პროფესიული განვითარების ეროვნული ცენტრში.

[თაკო ფეიქრიშვილი, ახალციხე]