2014 წლის აღწერის მონაცემებით, სამცხე–ჯავახეთში 160.504 ადამიანი ცხოვრობს [ინფოგრაფიკა]

რეგიონში მცხოვრები 160,504 ადამიანიდან, 78,521 კაცია და 81,983 ქალი.

საქასტატის მონაცემებით, საქართველოს რეგიონებში მოსახლეობის რიცხოვნობის ყველაზე მნიშვნელოვანი შემცირება, 2002 წლის აღწერასთან შედარებით, აღინიშნა რაჭა-ლეჩხუმისა და ქვემო სვანეთისა (37,4 პროცენტი) და სამეგრელო-ზემო სვანეთის რეგიონში (29,0 პროცენტი), ხოლო ყველაზე ნაკლები - აჭარის ა.რ.-ში (10,6 პროცენტი).

2014 წლის აღწერის მონაცემებით, ქვეყანაში აღიწერა 1 109,0 ათასი კერძო შინამეურნეობა. კერძო შინამეურნეობებში მუდმივად მცხოვრებთა რიცხვმა 3 702,1 ათასი კაცი, ანუ ქვეყნის მოსახლეობის 99,7 პროცენტი შეადგინა. მოსახლეობის უმნიშვნელო ნაწილი (0,3 პროცენტი) ინსტიტუციურ დაწესებულებებში (მაგალითად, პენიტენციურ დაწესებულებში, ხანდაზმულთა სახლებში, მონასტრებში და სხვ.)
ცხოვრობს. კერძო შინამეურნეობათა რაოდენობა 2002 წლის აღწერასთან შედარებით შემცირებულია 10,8 პროცენტით.

კერძო შინამეურნეობების წევრთა საშუალო რაოდენობის მიხედვით ყველაზე დიდი მაჩვენებელიაღინიშნა აჭარის ა.რ.-ში (4,0 კაცი), ქვემო ქართლსა (3,7 კაცი) და სამცხე-ჯავახეთში(3,6 კაცი). წევრთა საშუალო რაოდენობის მიხედვით ყველაზე მცირე მაჩვენებელი დაფიქსირდა
რაჭა-ლეჩხუმისა და ქვემო სვანეთის რეგიონში (2,5 კაცი).



2014 წლის მოსახლეობის საყოველთაო აღწერის საბოლოო შედეგები გუშინ გამოქვეყნდა. აღწერის შედეგებით, საქართველოს მოსახლეობის რიცხოვნობამ 3,713,804 კაცი შეადგინა, რაც წინა, 2002 წლის აღწერის შედეგთან (4 371 535 კაცი) შედარებით 15% ით (657 731კაცი) ნაკლებია.

საქართველოს მოსახლეობის საყოველთაო აღწერა 2014 წლის 5 ნოემბრიდან 19 ნოემბერის ჩათვლით პერიოდში ჩატარდა.

[ნინო ნარიმანიშვილი, ახალციხე]