2014 წლის მოსახლეობის საყოველთაო აღწერის საბოლოო მონაცემები ცნობილია

მოსახლეობის აღწერის საბოლოო შედეგები ცნობილი დღეს, 28 აპრილს გახდა. აღწერის თანახმად, ქალაქის მოსახლეობა 2 122 623 ადამიანი, ხოლო სოფლად მცხოვრები 1 591 181 ადამიანია.

მონაცემები ასაკობრივი ზღვარის მიხედვით შემდეგნაირად გადანაწილდა:

14 წლამდე მაცხოვრებლები - 18.6%;
15-64 წლის მაცხოვრებლები - 67.1%;
65 წელს ზემოთ მაცხოვრებლები - 14.3%.

ეროვნების მიხედვით:

ქართველი- 87%;
აზერბაიჯანელი - 6%
სომეხი - 5%
ოსი -0.4%
რუსი - 1%
სხვა -1%

რელიგიური აღმსარებლობის მიხედვით:

მართლმადიდებელი - 83%,
მუსლიმი -11%,
სომხური-სამოციქულო ეკლესია -3%
კათოლიკე -1%
სხვა -1%
არც ერთი - 0.5%

2014 წლის მოსახლეობის აღწერის მაჩვენებლი 2002 წლის აღწერის შედეგთან შედარებით, 15%-ით ნაკლებია.
მონაცემების მიხედვით, მაცხოვრებელთა შემცირება ძირითადად, სოფლის მოსახლეობაზე მოდის. სოფლებში მაცხოვრებელთა კლებამ 23,7 %, ხოლო ქალაქის მოსახლეობის კლებამ 7,1% შეადგინა.

გარდა ამისა, 2014 წლის საყოველთაო აღწერის შედეგების მიხედვით, თბილისის მოსახლეობამ 1 108 717 კაცი შეადგინა, რაც წინა აღწერასთან შედარებით (2002 წელი) 2,5 %-ით მეტია.

მოსახლოების 2014 წლის საყოველთაო აღწერა 5 ნოემბრიდან 19 ნოემბრის ჩათვლით მიმდინარეობდა.

აღწერა ქვეყნის დასახლებების 79%-ში ჩატარდა. მან 71 თვითმმართველი ერთეული და 3726 დასახლება მოიცვა. პროცესი ვერ ჩატარდა ოკუპირებულ ტერიტორიებზე არსებულ 1015 დასახლებაში.

[თაკო ფეიქრიშვილი, ახალციხე]