თბილისში სასწავლო პროცესში ელექტრონული რესურსების ინტეგრირების შედეგებზე იმსჯელეს

ორდღიანი კონფერენცია მასწავლებელთა პროფესიული განვითარების ეროვნული ცენტრის დირექტორმა გიორგი მაჩაბელმა გახსნა.

მასწავლებელთა პროფესიული განვითარების ეროვნული ცენტრის ინფორმაციით, კონფერენციაზე მოხსენებით წარსდგა პროექტის მიერ შერჩეული პირველი და მეორე კლასის 11 მასწავლებელი, რომელიც რამდენიმე კვირის განმავლობაში მუშაობდა პროექტის ჯგუფის მიერ სპეციალურად დაწყებითი კლასებისთვის შემუშავებული ელექტრონული რესურსების სასწავლო პროცესში ინტეგრირებაზე. მასწავლებლებმა მიწოდებული ელექტრონული რესურსებით ჩაატარეს გაკვეთილები, მოამზადეს შესაბამისი რეფლექსია, თუ რამ იმუშავა კარგად, რა წინააღმდეგობები შეხვდათ მათ და როგორ შეიძლება სასწავლო პროცესის უფრო მეტად გამრავალფეროვნება და მოსწავლეების მოტივირება.

კონფერენციაზე პროექტში ჩართულმა მასწავლებლებმა კოლეგებს სასწავლო პროცესში ელექტრონული რესურსების ინტეგრირების შედეგები გაუზიარეს. აღნიშნულ მასწავლებლებს კონფერენციაზე სერტიფიკატებიც გადაეცათ.

კომპანია Microsoft-ის მიერ ორგანიზებული კონფერენციის მხარდამჭერები არიან საქართველოს განათლებისა და მეცნიერების სამინისტრო, მასწავლებელთა პროფესიული განვითარების ეროვნული ცენტრი, ინტელი და ჯეოლაბი.

[sknews.ge]