საარჩევნო ადმინისტრატორის კურსებზე რეგისტრაცია დაიწყო

"საარჩევნო ადმინისტრატორის კურსებს“, საქართველოს ცენტრალური საარჩევნო კომისია და სწავლების ცენტრი ერთობლივად ახორციელებენ.

საინფორმაციო – სასწავლო პროცესი მიმდინარე წლის 23 მაისიდან 10 ივნისამდე გაგრძელდება. აღნიშული კურსები კენჭისყრის პროცედურების შესწავლას, საარჩევნო საკითხებთან დაკავშირებით სამოქალაქო ცნობიერების ამაღლებასა და კვალიფიციური საკადრო რესურსის მომზადებას ითვალისწინებს.

სასწავლო კურსის გავლა შეუძლია საქართველოს მოქალაქეს 18 წლის ასაკიდან.

მსურველებმა კურსის გავლისთვის, სპეციალური აპლიკაცია უნდა შეავსონ და შესაბამის საოლქო საარჩევნო კომისიაში წარადგინონ.

პროექტი საქართველოს 22 მუნიციპალიტეტში განხორციელდება.

სამცხე–ჯავახეთის მასშტაბით აპლიკაციების მიღება ახალციხის, ახალქალაქისა და ნინოწმინდის საოლქო საარჩევნო კომისიებში იქნება შესაძლებელი.

[თაკო ფეიქრიშვილი, ახალციხე]