157.826 ლარი სამცხე–ჯავახეთში საარჩევნო ოლქების ფუნქციონირებისათვის

საქართველოს ცენტრალური საარჩევნო კომისიის #32–ე დადგენილების მიხედვით, 2016 წლის საპარლამენტო არჩევნებისათვის, საოლქო საარჩევნო კომისიების მიერ საჭირო ფულადი სახსრების განაწილებისა და გამოყენების წესი განისაზღვრა.

საარჩევნო ოლქების უკეთ ფუნქციონირებისათვის, სამცხე–ჯავახეთის მასშტაბით, ყველაზე მეტი თანხა ახალქალაქის #40–ე ოლქისთვის გამოიყო, ყველაზე ნაკლები კი ადიგენის #38–ე ოლქისთვის.

საარჩევნო ოლქების მიხედვით სახსრები შემდეგნაირად გადანაწილდა:
#36–ე ბორჯომის საარჩევნო ოლქი – 31 110 ლარი;
#37–ე ახალციხის საარჩევნო ოლქი – 30 830 ლარი;
#38–ე ადიგენის საარჩევნო ოლქი – 18 433 ლარი.
#39–ე ასპინძის საარჩევნო ოლქი – 19 883 ლარი;
#40–ე ახალქალაქის საარჩევნო ოლქი – 31 783 ლარი;
#41 –ე ნინოწმინდის საარჩევნო ოლქი – 25 787 ლარი;

დადგენილების მიხედვით, ფულადი სახსრების განაწილება საოლქო საარჩევნო კომისიების თავმჯდომარეების განკარგულებით არის შესაძლებელი. თითოეული ოლქისთვის გამოყოფილ თანხაში საოლქო, ასევე უბნის დაფინანსებისა და ოლქის ფუნქციონირებისათვის საჭირო ხარჯებია მოცემული.

ქვეყნის მასშტაბით, 73 სარჩევნო ოლქისათვის სულ 2 მილიონ 385 767 ლარია გამოყოფილი.

[თაკო ფეიქრიშვილი, ახალციხე]