საარჩევნო ადმინისტრაციის კურსებისთვის რეგისტრაცია იწყება

სასწავლო კურსები კენჭისყრის პროცედურების შესწავლას ითვალისწინებს და საარჩევნო საკითხებთან დაკავშირებით, სამოქალაქო ცნობიერების ამაღლებას ემსახურება. იგი საქართველოს ცენტრალური საარჩევნო კომისიისა და სწავლების ცენტრის მიერ არის ორგანიზებული.

კურსის გავლა შეუძლია საქართველოს მოქალაქეს 18 წლის ასაკიდან.

რეგისტრაციისთვის, დაინტერესებულმა პირმა, 10 აპრილიდან 20 აპრილამდე საოლქო საარჩევნო კომისიაში პირადობის დამადასტურებელი დოკუმენტი უნდა წარადგინოს და აპლიკაცია ადგილზე შეავსოს.

საარჩევნო ადმინისტრაციის კურსები 2018 წლის 14 მაისიდან 1 ივნისის ჩათვლით, თხუთმეტი სამუშაო დღის განმავლობაში გაგრძელდება.

[sknews.ge]