ბორჯომში „დედამიწის საათს“ აღნიშნავენ

გარემოსდაცვითი აქცია ბორჯომში 20:00 საათზე დაიწყება. „დედამიწის საათთან“ დაკავშირებით, ერთი საათით გაითიშება ელექტრო ენერგია, ხოლო ბორჯომ-ხარაგაულის ეროვნული პარკის ადმინისტრაციის ეზო განათდება სანთლებით „60 +“.

ღონისძიებას ცოცხალი მუსიკით გაფორმდება, მონაწილეებისათვის ოთო ჩუხრუკიძე და ლექსო ოქრომელიძე იმღერებენ.
ღონისძიების მხარდამჭერი კაფე-რესტორანი "Bergi Borjomi" კი სტუმრებს გლინტვეინით გაუმასპინძლდება.

გარემოსდაცვით აქციას „დედამიწის საათი“ მსოფლიოში მეათედ აღინიშნება. მას მეცხრე წელია უერთდება საქართველოც. კამპანია მთელს დედამიწას მოიცავს. რომლის დროსაც მილიონობით ადამიანი, ერთი საათით, ელექტროენერგიის გამოყენებაზე უარს აცხადებს და ამით პლანეტის მწვანე და უსაფრთხო მომავლის მხარდაჭერას გამოხატავს.

[sknews.ge]