საქართველოში საერთაშორისო მოგზაურთა რაოდენობამ სამ თვეში მილიონს გადააჭარბა

რაც შეხება გასულ თვეს, 2016 წლის მარტის თვის მონაცემებით, საქართველოს 450,875 საერთაშორისო მოგზაური ეწვია, ზრდა წინა წლის ანალოგიურ პერიოდთან შედარებით 16.7%-ია.

მარტის თვის მაჩვენებლებით იმ უცხოელი მოგზაურების ანუ ტურისტების რიცხვმა, რომლებმაც 24 საათი და მეტი დაჰყვეს საქართველოში 170,281 შეადგინა. ზრდა +24.8%.

„აქამდე მარტის თვეში ამ რაოდენობის ვიზიტორები არ დაფიქსირებულა“, – ამბობენ საქართველოს ტურიზმის ეროვნულ ადმინისტრაციაში.

ადმინისტრაციის ინფორმაციით, რაც შეეხება ეკონომიკურ მაჩვენებლებს, 2015 წელს უცხოური ტურიზმიდანშემოსავალმა შეადგინა 1.9 მილიარდი დოლარი, რაც 148.8 მლნ აშშ დოლარით მეტია 2014 წელთან შედარებით. (ზრდა +8.3%). ხოლო, რაც შეეხება საერთაშორისო მოგზაურების მიერ უცხოური საგადახდო ბარათებით განხორციელებულ ოპერაციებს, მისმა მნიშვნელობამ 2016 წლის ორი თვის ჯამური მაჩვენებლით შეადგინა 218,904 ათასი ლარი. ზრდა +26.9%.

ტურიზმის წილი მთლიან შიდა პროდუქტში 2015 წლის ჯამური მონაცემებით შეადგენს 6.7%-ს. (ზრდა +16.2%).

[sknews.ge]