9 აპრილის ღამე – მესხი დემონსტრანტების მოგონებები [Photo/Video]

ახალციხელი ციალა ჯინჭველაძე საქართველოს დამოუკიდებლობის მოთხოვნით მოწყობილ მშვიდობიან დემონსტრაციებში აქტიურად მონაწილეობდა. მაშინ იგი თბილისის სახელმწიფო უნივერსიტეტის ეკონომიური ფაკულტეტის მეხუთე კურსის სტუდენტი იყო.

1989 წლის 9 აპრილს, ტრაგედიის ღამეს უნივერსიტეტის მეგობრებთან ერთად მაშინდელი მთვრობის სასახლის წინ იმყოფებოდა. დღემდე არ იცის, ვინ იყო ის მორაგბე, რომელმაც დარბევის დროს სიკვდილს გადაარჩინა.



9 აპრილს კიდევ ერთი მონაწილე დავით ფეიქრიშვილია.

სამედიცინო ინსტიტუტის მესამე კურსის სტუდენტი დემონსტრაციების ტალღას პირველივე დღიდან შეუერთდა, – ჯერ სამედიცინოს წინ გამართულ აქციებს, მოგვიანებით კი რუსთაველზე დაწყებულ პროტესტს.



ციალა ჯინჭველაძესა და დავით ფეიქრიშვილს "სამხრეთის კარიბჭე" პირადად შეხვდა. სამწუხაროდ, რედაქციამ ვერ მოახერხა დაკავშირებოდა ადიგენში მცხოვრებ გოდერძი კუბლაშვილს, რომელიც აპრილის 9 ტრაგედიას ფეისბუქის გვერდზე ასე ეხმაურება:

"დღეს 9 აპრილია..
27 წელი გავიდა...
ვისაც ჯერ კიდევ გვახსოვს და ვინც აქტიურად ვიყავით ჩართული ეროვნულ მოძრაობაში ყველას გილოცავთ დღევანდელ დღეს.
მახსოვს,ჯერ კიდევ 88 წლის ნოემბრის აქციებიდან 9 აპრილამდე იმ ეროვნული სულის აღმაფრენა....
მახსოვს მაშინდელი მთავრობის სასახლის წინ მდგარი ორი პატარა ნაძვი,რომელთა ძირშიც ვიწექით ღამეები....
ვუსამძიმრებ იმ გარდაცვლილების ოჯახებს,სამწუხაროდ ისინი ვერ გადავარჩინეთ...
ეს იყო ჩვენი თაობის "დიდგორის" დასაწყისი"...


გოდერძი კუბლაშვილი

ტრაგედიის მონაწილეები იხსენებენ, რომ დემონსტრაციისას, დიდ ბანერზე გაკეთებული წარწერა – "სამცხე-ჯავახეთი" ნათლად ჩანდა, თუმცა ზუსტად რამდენი ადამიანი იმყოფებოდა თბილისში 9 აპრილის ღამეს სამცხე-ჯავახეთიდან, არავინ იცის.

დღეს, 9 აპრილს, 27 წელი გავიდა 1989 წლის 9 აპრილის იმ მოვლენებიდან, როცა საქართველოს დამოუკიდებლობის მოთხოვნით გამართული დემონსტრაცია, საბჭოთა არმიამ ჩაახშო. 21 ადამიანი დაიღუპა და ასობით დაიჭრა, მოიწამლა და დასახიჩრდა.












[თაკო ფეიქრიშვილი, ახალციხე]