”ოცნებამ” რაიონულ პროკურატურაში 68-გვერდიანი საქმე შეიტანა

პროკურატურას განცხადებით კოალიცია “ქართული ოცნების” ახალციხის შტაბის უფროსმა ელვარდი ზაზაძემ და ამავე შტაბის ადვოკატმა ბიჭიკო მოდებაძემ მიმართეს.

”საქმე საგამოძიებო ნაწილს დაეწერა”, - გვითხრა მოდებაძემ

68-გვერდიან დოკუმენტში ოთხ ათეულზე მეტი განცხადებაა. ეს ის განცხადებებია, რომლებიც პირველი ოქტომბრის საპარლამენტო არჩევნების შემდეგ, ახალციხეში, კოალიციის შტაბში უფროსის სახელზე შევიდა. განცხადებებში მოქალაქეები იმ დაშინების, მუქარისა და ზეწოლის შესახებ წერენ, რომელსაც მათზე გეწაძე წინასაარჩევნო პერიოდში ახორციელებდა.

აქამდე კოალიციის წევრებს განცხადება პროკურატურაში იმიტომ არ შეჰქონდათ, რომ ოლქის პროკურორის თანამდებობდა ვაკანტური იყო.

”აქამდე საჩივარი ვისთან უნდა შეგვეტანა?! ვიცდიდით სანამ ახალი ოლქის პროკურორი არ დაინიშნებოდა. წინააღმდეგ შემთხვევაში, გააქრობდნენ ამ განცხადებას და დაიკარგებოდა”, - ამბობს ზაზაძე.

მისი თქმით, ეს არის საქმეები სადაც იკვეთება სისხლის სამართლის ნიშნები: ”ამ დანაშაულში რამდენიმე პიროვნება კიდევ ფიგურირებს და იმედია სამართალი პურს ჭამს”.

ოლქის პროკურორად არჩევნების შემდეგ გიორგი პაპუაშვილი დაინიშნა. რაც შეეხება გეწაძეს, ათეულ წელზე მეტი ხსნი განმავლობაში შინაგან საქმეთა სამინისტროს სხვადასვხა სტურქუტრებში სხვადასხვა თანამდებობები ეკავა. არჩევნების შემდეგ მის ადგილზე თემურ მამნიაშვილი მუშაობს.

განცხადება გეწაძის შესახებ პროკურატურაში 4 დეკემბერს შევიდა.

[თამუნა უჩიძე, ახალციხე]