მესამე დღეა ახალციხის პირველ ბაგა–ბაღში გათბობა არ აქვთ

ახალციხის პირველ ბაგა–ბაღში ცენტრალური გათბობა რამდენიმე დღის წინ გაითიშა. როგორც ბაღში გვიხსნიან, მიზეზი გათბობის ცენტრალური სისტემის დაზიანებაა. საბავშვო ბაღის მენჯერის ციცო საანიშვილის თქმით, პრობლემის შესახებ სკოლამდელი აღზრდის დაწესებულებატა გაერთიანებამ იცის.

„ახლა ცივა ბაღში?! გამყინვარება არ არის, თუმცა პერიოდია ისეთი, რომ გათბობა ჩართული უნდა იყოს“, – ამბობს იგი.

მენეჯერის განმარტებით, ბავშვებს რომ არ შესცივდეთ, საძინებელ ოთახებს ელექტროგამათბობლით ათბობენ. ბაღის ხელმძღვანელს იმედი აქვს, რომ სისტემა მალე შეკეთდება: „სავარაუდოდ, გათბობის ძვირადღირებული ნაწილია დაზიანებული. შესაბამისი პირები იყვნენ მოსული და ნახეს“.

როდის შეაკეთებენ მწყობრდან გამოსულ სისტემას ახალციხის პირველ ბაგა–ბაღში, სკოლამდელი აღზრდის დაწესებულებათა გაერთიანებაში ვერ აკონკრეტებენ. გაერთიანების ხელმძღვანელიც ირწმუნება, რომ „შესაბამისი სამსახური პრობლების შესახებ საქმის კურსშია და მიმდინარეობს გათბობის სისტემის დაზიანებული ნაწილის მოძიება“.



[ვარლამ წიკლაური, ახალციხე]