მეორე კვირაა ახალციხის პირველ საბავშვო ბაღს გათბობა არ აქვს

ახალციხის პირველ ბაგა–ბაღში ცენტრალური გათბობა 3 აპრილს გაითშა. მას შემდეგ ბაღის ადმინისტრაცია აღსაზრდელების საძიინებელ ოთახებს ელექტროგამათბობლით ათბობს.

ბაგა– ბაღში გათბობა ცენტრალური სისტემის დაზიანების გამო გაითიშა. ახალციხის სკოლამდელი აღზრდის დაწესებულებათა გაერთიანების ხელმძღვანელი ნანა ბერიძე ამბობს, რომ ჯერ–ჯერობით გათბობის სისტემის დაზიანებული ნაწილის შეძენა ვერ ხერხდება: „წელს გაკეთდება აუცილებლად, მაგრამ აღარ ჩაირთვება. ზაფხული მოვიდა და 15 აპრილიდან ისედაც ყველა ბაღში ვთიშავთ“.

მისივე თქმით, სისტემის შესაკეთებლად საჭირო ნაწილი საქართველოში არ იშოვება და უნდა გამოიწერონ. პროცესი ამიტომ გაჭიანურდა.

[ვარლამ წიკლაური, ახალციხე]