ახალციხის სოფლებში საინიციატივო კლუბები გაიხსნა

ახალციხის ორ სოფელში საინიციატივო კლუბები გამგეობის კულტურის სამსახურმა გახსნა. თითოეულ კლუბს თავისი კოორდინატორი ყავს.

ადგილობრივი თვითმმართველობის ინფორმაციით, პროექტი მიზნად, სოფლად მცხოვრები ახალგაზრდების სამოქალაქო ცხოვრებაში ჩართვასა და მათ გააქტიურებას ისახავს. კლუბებში გაწევრიანება 15-დან-29 წლამდე ასაკის, ნებისმიერ პირს შეუძლია.

განსაზღვრულია კლუბის ფუნქციები:
ტრენინგების მოწყობა (ახალგაზრდების ინტერესებიდან გამომდინარე) ;
პროექტების, ინიციატივების, შემუშავება;
ახალგაზრდების თვალით დანახული პრობლემების განხილვა, (მათი ინტერესების გათვალისწინებით) ;
ახალგაზრდული კრებების მოწყობა;
ღონისძიებების დაგეგმვა და განხორციელება;
სოფლებში არსებული პრობლემების ახალგაზრდული თვალით დანახვა და ამ საკითხების ხელმძღვანელობისათვის გაცნობა;
სხვა სოფლის ახალგაზრდების გააქტიურება.

ახალციხის გამგეობის კულტურის სამსახური, მსგავსი საინიციატივო კლუბების ჩამოყალიბებას, წლის ბოლომდე, ეტაპობრივად, ყველა სოფელში გეგმავს.

[თაკო ფეიქრიშვილი, ახალციხე]