ილია მეორემ აუტიზმის მქონე ბავშვები დალოცა [Video]

"დღეს ჩვენთან იმყოფებიან მშობლები, რომელთაც ჰყავთ ავადმყოფი შვილები აუტიზმით. გუშინ იყო აუტიზმის დაძლეის დღე. მინდა გითხრათ, რომ ეს არის ჯვარი თქვენი და ჯვარი თქვენი შვილების. ღმერთმა მოგცეთ მადლი და ძალა ბოლომდე ზიდოთ ეს ჯვარი. აუტიზმი მძიმე ავადმყოფობაა, მაგრამ ამავე დროს, ხშირია შემთხვევა, როდესაც ისინი გრძნობენ და ხედავენ უფრო მეტს, ვიდრე ჩვენ ვხედავთ. ხშირი შემთხვევაა, როდესაც აუტიზმით დაავადებულები გენიალური ადამიანები გამოდიან", - ბრძანა პატრიარქმა.

ილია მეორემ აღნიშნა, რომ ადამიანი არ უნდა ჩავარდეს სასოწარკვეთილებაში

"ხშირი შემთხვევაა, როცა ადამიანები ამ მძიმე ჯვარის წინაშე ეცემიან და იკლავენ თავს. არავითარ შემთხვევაში არ უნდა ჩავარდეს ადამიანი სასოწარკვეთაში. ღმერთი დაეხმარება და დასძლევს ამ სიმძიმეს", – აღნიშნა ილია მეორემ.



შეგახსენებთ, დღეს მართლმადიდებელი ეკლესია ჯვრის თაყვანისცემის დღესასწაულს აღნიშნავს. წირვა–ლოცვა სამების საკათედრო ტაძარში სრულიად საქართველოს პატრიარქმა ილია მეორემ აღავლინა. ღვთისმსახურების დასრულების შემდეგ კი პატრიარქმა იქადაგა. მისი თქმით, ადამიანი არის გარკვეული ჯვრის მატარებელი, ხშირად ის ფიქრობს, რომ მძიმე ჯვარი აქვს, მაგრამ, ადამიანს ჯვარს აძლევს უფალი და აძლევს ისეთ ჯვარს, რომლის ტარებაც შეუძლია

[sknews.ge]