ილია მეორემ ხელისუფლებას უვადო პატიმრობის წესის გადახედვისკენ მოუწოდა

დღეს, 20 მარტს, სამების საკეთედრო ტაძარში, სადღესასწაულო წირვის დასრულების შემდეგ ქადაგებისას, ილია მეორემ აღნიშნა, რომ უვადო პატიმრობამისჯილ მსჯავრდებულებს შეხვდა.

“ჩვენ გვყავს პატიმრები, რომლებსაც უვადო პატიმრობა აქვთ შეფარდებული, მათ დაკარგული აქვთ ყოველგვარი იმედი, რომ ოდესმე გამოვლენ და დაუბრუნდებიან ოჯახს, საქმეს და სამშობლოს. ჩვენმა პარლამენტმა უნდა იფიქროს ამაზე, რომ უვადო არაფერია ფიზიკურ სამყაროში, უვადო არის მარტო ღმერთი. ესა თუ ის პატიმარი, თუ დაადგა გამოსწორების გზას, შრომობს და აკეთებს სიკეთეს, მას, შესაძლებელია შევუცვალოთ უვადო პატიმრობა და დაუწესდეს გარკვეული ვადა… მე მქონდა მათთან შეხვედრა, ისინი ლოცულობენ, შრომობენ, ხატებს წერენ, ამიტომ ჩვენმა პარლამენტმა და ხელისუფლებამ ამას ყურადღება უნდა მიაქციოს”, – ბრძანა ილია მეორემ.

[sknews.ge]