გამოკითხვა: რას ფიქრობენ ახალციხეში უვადო პატიმრობის წესზე [Video]

მთავარი → დღის კითხვა, ვიდეო 21.03.2016

„სამხრეთის კარიბჭე“ დაინტერესდა რას ფიქრობენ მოქალაქეები უვადო პატიმრობის შესახებ და რა არგუმენტებით ხსნიან, უვადო პატიმრობის ვადიანით ჩანაცვლებას.

შეგახსენებთ, კვირას, 20 მარტს, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საქართველოს პარლამენტსა და ხელისუფლებას უვადო პატიმრობის წესის გადახედვისკენ მოუწოდა. „ უვადო არაფერია ფიზიკურ სამყაროში, უვადო არის მარტო ღმერთი. ესა თუ ის პატიმარი, თუ დაადგა გამოსწორების გზას, შრომობს და აკეთებს სიკეთეს, მას, შესაძლებელია შევუცვალოთ უვადო პატიმრობა და დაუწესდეს გარკვეული ვადა“, – განაცხადა პატრიარქმა.

პატრიარქის განცხადებებს დღეს ხელისუფლება გამოეხმაურა. ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ ეკა ბესელიამ აღნიშნა,რომ ხელისუფლება უკვე მუშაობს ისეთ ცვლილებებზე, რომელი უვადო პატიმრების ვადაზე ადრე გათავისუფლებას ეხება.

პარლამენტის ვიცე-სპიკერი მანანა კობახიძე კი ამბობს,რომ უვადო პატიმრობამისჯილებთან დაკავშირებით, ძალიან ფრთხილი მიდგომაა საჭირო. მისი თქმით, თუ ასეთი სასჯელის კანონით გაუქმებაზეა საუბარი, ეს საკითხი სერიოზული მსჯელობის საგანი უნდა გახდეს.

[თინათინ ზაზაძე, ახალციხე]