ნინოწმინდის 'ეტალონში' სურენ კარაპეტიანმა გაიმარჯვა

ნინოწმინდაში „ეტალონის” ფინალური კონკურსი 15 მარტს , ნინოწმინდის კულტურის სახლში გაიმართა. მასში მუნიციპალიტეტის მასშტაბით 41 მოსწავლე მონაწილეობდა. გამარჯვება კი ნინოწმინდის მუნიციპალიტეტის სოფელ ჰეშტიის მეორე საჯაროს სკლოს მოსწავლემ, სურენ კარაპეტიანმა მოიპოვა.
სურენი იბრძოლებს საქართველოს მასშტაბით „ეტალონი მოსწავლის“ ტიტულის მოსაპოვებლად.
ღონისძიება ნინოწმინდის მუნიციპალიტეტის გამგეობის ინიციატივით გაიმართა. ღონისძიების დასასრულს ინტელექტუალური შეჯიბრის ყველა მონაწილეს სამახსოვრო სიგელები გადაეცა.

შეგახსენებთ, რომ ქვეყნის მასშტაბით ეტალონში საქართველოს პირველობისათვის 2300-მდე მოსწავლე იბრძვის. ფინალური შეხვედრა თბილისში, 14 მაისს, სპორტის სასახლეში გაიმართება, სადაც საქართველოს „ეტალონი მოსწავლე“ გამოვლინდება.

[ვარლამ წიკლაური, ნინოწმინდა]