ახალციხეში "ეტალონი მოსწავლის" ტიტული ანა მკოიანმა მოიპოვა

"ეტალონის" შესარჩევი კონკურსი გუშინ, 8 მარტს, სამცხე–ჯავახეთის სახელმწიფო უნივერსიტეტის სააქტო დარბაზში ჩატარდა.

შესარჩევ კონკურსში მონაწილეობა ახალციხის საჯარო სკოლის მოსწავლეებმა მიიღეს. ერთსაათიანი შეჯიბრის შედეგად გამარჯვება N3 საჯარო სკოლის მოსწავლე ანა მკოიანმა მოიპოვა.

ანა მკოიანი "ეტალონის" ფინალურ შეჯიბრშიც მიიღებს მონაწილეობას, რომელიც 14 მაისს, თბილისში ფილარმონიის დიდ საკონცერტო დარბაზში გაიმართება.

კონკურსს გადაცემა "ეტალონის" ავტორი და წამყვანი გოჩა ტყეშელაშვილი უძღვებოდა.

„ძლიერი კონკურსანტები აღმოჩნდენენ ახალციხეში, ეს ბავშვები მაღალი ინტელექტუალური მაჩვენებლით გამოირჩევიან, ახალციხე ტრადიციულად მიმართულია არამარტო განათლების , ცოდნის , არამედ გადაწყვეტილების მიღების სწრაფი უნარითაც. პირველად ხდება ეტალონის ისტორიაში, რომ ეთნიკური უმცირესობის წარმომადგენელმა გაიმარჯვა.“- ამბობს სოციალურ -საგანმანათლებლო მედიაპროექტი ეტალონის ავტორი გოჩა ტყეშელაშვილი.

შესარჩევ კონკურსს ახალციხის საგანმანათლებლო რესურსცენტრის წარმომადგენლები, სტუდენტები და ახალციხის მერიის თანამშრომლები ესწრებოდნენ.

„ეტალონის“-წამყვანმა გოჩა ტყეშელაშვილმა ქალაქ ახალციხის მერს გიორგი კოპაძე „ეტალონის“ ქომაგის დიპლომით დააჯილდოვა.

ღონისძიება ქალაქ ახალციხის მერიის ფინანსური მხარდაჭერით და ორგანიზებით ჩატარდა.

[sknews.ge]