მესხეთის თეატრი რეპერტუარს არჩევს

რამდენიმე დღეა თეატრი facebook-ის ოფიციალური გვერდის საშუალებით საზოგადოებას იდეების მიწოდებას სთავაზობს.

-„გთხოვთ, მოგავწოდოთ ინფორმაცია, თუ რომელი ავტორის, ჟანრის და ეპოქის პიესებს მიანიჭებთ უპირატესობას (კომედია, ტრაგედია, დრამა, ვოდევილი, ისტორიული, თანამედროვე, ქართული, საზღვარგარეთის და ა.შ), - ნათქვამია თეატრის ადმინისტრაციის მიერ გავრცელებულ განცხადებაში.

მესხეთის დრამატული თეატრის ადმინისტრატორი შალვა ტაბატაძე ამბობს, რომ ამ ფორმით საზოგადოებასთან ურთიერთობა გაუადვილდებათ: ”ჩვენ მაყურებლის გემოვნებას, მისწარფებას ვითვალისწინებთ. მომავალში ისეთ სპექტაკლებს დავდგამთ, რომლის ხილვაც საზოგადოებს სურს.”

მესხეთის თეატრში ამბობენ, რომ ამით მაყურებლის რაოდენობასაც გაზრდიან.

- ”შესაძლოა შემდეგში გაიზარდოს მაყურებლების რაოდენობა”- ამბობს შალვა ტაბატაძე.

მიმდინარე წლის თეატრალურ სეზონზე მესხეთის თეატრმა მაყურებელს 8 პრემიერა შესთავაზა. ამჟამად თეატრს გასვლითი ტურები აქვს. ახალი სპექტაკლების ხილვას მაყურებელი თებერვლიდან შეძლებს.

[ნინო ბერიძე, ახალციხე]