ახალციხეში ხვნის ბარათი 112 ოჯახს გადაეცა

112 ბენეფიციარს ხვნის ბარათები ახალციხის მერის წარმომადგენლებმა დაურიგეს.

“ბარათების გაცემა თითქმის დასრულდა, მოსახლეობის ნაწილი, ვისაც მიწა უკვე მოხნული აქვს, უკან აბრუნებს. ხვნის ბარათის დაბრუნების შემდეგ შესაბამისი ქულები აგრობარათზე დაერიცხებათ და საშუალება ექნებათ ისარგებლონ სასოფლო- სამეურნეო მაღაზიებში“ - ამბობს ქალაქ ახალციხის მერის წარმომადგენელი დავით სამსონიძე.

შეგახსენებთ, რომ ბენეფიციარებს, რომლებსაც საკუთრებაში ან ფაქტობრივ მფლობელობაში აქვთ 0, 25 ჰა – დან 1. 25 – ჰა – ს ჩათვლით სახნავი მიწის ფართობი, მიიღებენ მხოლოდ სასოფლო – სამეურნეო (ხვნის) ბარათს 1 ჰა – ზე 140 ლარის გაანგარიშებით მიწის ფართობის პროპორციულად.

ბენეფიციარები, რომელთაც საკუთრებაში აქვთ 0 – დან 0.25 ჰა – მდე მიწის ფართობი 50 ლარიანი აგრო ბარათით ისარგებლებენ. მცირემიწიან ფერმერებს შესაძლებლობა ექნებათ აგრო ბარათით შეიძინონ სასოფლო სამეურნეო საქონელი:. სასუქები, სათესლე, სანერგე მასალა, მცენარეთა მოვლის საშუალებები.

მცირემიწიან ფერმერთა საგაზაფხულო სამუშაოების ხელშეწყობის პროგრამა საქართველოში უკვე მეოთხე წელია ხორციელდება.

[sknews.ge]