ლექცია–სემინარი გარემოსდაცვით საკითხებზე

შეხვედრა დღეს, 26 თებერვალს, ახალციხის დემოკრატიული ჩართულობის ცენტრში შედგა.

„დღევანდელი შეხვედის მიზანი იყო, რომ მოსწავლეები გაცნობდნენ, რა მიზანი და მნიშვნელობა აქვს გარემოსდაცვითი ზედამხედველობის დეპარტამენტის არსებობას. რა ღონისძიებებს ატარებს იმისთვის, რომ შენარჩუნებული და დაცული იყოს საქართველოს გარემო, ეკოსისტემა და ბუნებრივი სიმდიდრეები“, – განაცხადა გარემოსდაცვის ზედამხედველობის დეპარტამენტის სამცხე–ჯავახეთის სამმართველოს იურისტმა თამარ ლომიძემ.

ახალგაზრდებმა რამდენიმე პრეზენტაციაც გააკეთეს: „როგორ დავიცვათ ბუნება“, „სად გვაქვს საქართველოში დაცული ტერიტორიები“, „როგორ უნდა მოვექცეთ ფრინველებს და ცხოველებს“.

„მოსწავლეებმა თავისი ვადებულებები და მოვალეობები ახლავე უნდა გაითავისონ ბუნების დაცვასთან დაკავშირებით. დღეს თითზე ჩამოსათვლელი გარეული ცხოველები გვყავს“, – ამბობს ახალციხის პირველი საჯარო სკოლის ბუნების მასწავლებელი ციალა გოზალიშვილი.

შეხვედრა ახალციხის დემოკრატიული ჩართულობის ცენტრის ორგანიზებით გაიმართა.

[თინათინ ზაზაძე, ახალციხე]