სოფელ არალთან ხანძარი ლიკვიდირებულია [Photo]

ხანძარს ადიგენის სახანძრო–სამაშველო სამსახურის ორი ბრიგადა აქრობდა. მეხანძრეების თქმით, მუშაობაში ხელს ძლიერი ქარი უშლიდათ.

რამ გამოიწვია ხანძარი ამ ეტაპზე უცნობია, მეხანძრეები ვარაუდობენ, რომ ცეცხლი მოსახლეობის დაუდევრობით გაჩნდა.

„მოსახლეობა სპეციალურად უკიდებს ცეცხლს, გადამწვარ ადგილზე ბალახი უკეთესი მოდის“, – ამბობს ადიგენის სახანძრო–სამაშველო სამსახურის განყოფილების უფროსი ვახტანგ ზაქაშვილი.

შეგახსენებთ, ახალციხე – ადიგენის დამაკავშირებელი ცენტრალური გზის მიმდებარედ, სოფელ არლის ტერიტორიაზე მინდორს ცეცხლი ეკიდებოდა. მეხანძრეები ცდილობდნენ ცეცხლი იქვე მდებარე სახერხ საამქროს და სოფელ არლის ტერიტორიას არ მოსდებოდა.













[თინათინ ზაზაძე, ადიგენი]