სოფელ არალთან მინდორი იწვის

ხანძრის კერა. ფოტო: 'სამხრეთის კარიბჭე'. [28.12.2015]

ადიგენის სახანძრო–სამაშველო სამსახურის თანამშრომლის როლანდ ხარშილაძის თქმით, ხანძრის შესახებ მათ ადიგენის გამგებელმა ზაქარია ენდელაძემ შეატყობინათ.

მისივე თქმით, შემთხვევის ადგილზე ორი სახანძრო ბრიგადა მუშაობს, ამათგან ერთი ცეცხლის ჩაქრობას სოფლის მხარეს ცდილობს, იმისთვის რომ ხანძარი სოფელში არ გავრცელდეს.

მეხანძრეების თქმით, დამწარი ძირითადად ბალახია, ხანძარი თითქმის ლოკალიზებულია, მის სრულ ჩაქრობას ქარი უშლის ხელს.

მათივე ვარაუდით, ხანძარი სავარაუდოდ დაუდევრობის გამო გაჩნდა: "ხალხი წვავს ბალახს, რომ უკეთესი ამოვიდეს, როგორც ჩანს, ცეცხლი წაუკიდეს და ყურადღება აღარ მიაქციეს".





[თინათინ ზაზაძე, ნინო ნარიმანიშვილი, ადიგენი]