ახალციხეში სახელმწიფო დროშის დღე აღნიშნეს

სახელმწიფო დროშის დღესთან დაკავშირებული ღონისძიება სამხარეო ადმინისტრაციის შენობის წინ გაიმართა, ღონისძიება ანსამბლ „მესხეთის“ სიმღერით დაიწყო.

ღონისძიებას ესწრებოდნენ ახალციხის მერი, საკრებულოს თავმჯდომარე, ახალციხე–ადიგენის მაჟორიტარი დეპუტატი და ადგილობრივი თვითმმართველობის წარმომადგენლები.

„ვულოცავ სრულიად საქართველოს თითოეულ მოქალაქეს სახელმწიფო დროშის დღეს, ეს დღე ძალიან მნიშვნელოვანია, რადგან დროშა არის სიმბოლო ჩვენი ქვეყნის გაძლიერების და გამთლიანების. ვუსურვებ სრულიად საქრთველოს ამ დროშის ქვეშ გამთლიანებას“, – განაცხადა ახლციხის მერმა ზაზა მელიქიძემ.

საქართველოს სახელმწიფოს დროშის დღე პირველად 2012 წლის 14 იანვარს აღინიშნა.





[ნუკა სტეფნაძე, ახალციხე]