66.561ლარი თორის ქუჩისთვის – სამუშაოები დასრულდა

ფოტოზე: თორის ქუჩა. ბორჯომის მუნიციპალიტეტის გამგეობის ფოტო.

როგორც ბორჯომის მუნიციპალიტეტის გამგეობის მიერ გავრცელებულ ინფორმაციაშია ნათქვამი, აღნიშნულ მონაკვეთზე თავდაპირველად გათვალისწინებული იყო გზის საფარის მოწყობა, თუმცა სამუშაოების დაწყებისას გამოვლინდა დაზიანებული წყალ-კანალიზაციის მილები, რის გამოც პირველ ეტაპზე გადაწყდა მათი წესრიგში მოყვანა. მოწესრიგებული წყალსადენის სისტემის შემდეგ კი არმირებული ბეტონის მოწყობის სამუშაოები განხორციელდა.

აღნიშნული სამუშაოების ჩასატარებლად ადგილობრივი ბიუჯეტიდან 66 561ლარი გაიხარჯა.

ბორჯომის მუნიციპალიტეტის გამგებლის დიმიტრი ყიფიანის განცხადებით, საგზაო ინტრასტრუქტურის მოწესრიგება ადგილობრივი მუნიციპალიტეტისათვის ერთ-ერთ მნიშვნელოვან პრიორიტეტს წარმოადგენს და მასთან დაკავშირებული სამუშაოები მომავალშიც ინტენსიურად გაგრძელდება.

[ნინო ნარიმანიშვილი, ბორჯომი]