ახალდაბაში წყალსადენი სისტემა შენდება

ბორჯომის გამგეობის ინფორმაციით, რეაბილიტაცია ჩაუტარდება წყალსადენის მთლიან მაგისტრალს; მოეწყობა ახალი პლასმასის მილები.

ახალდაბაში, წყალსადენის რეაბილიტაციის სამუშაოები ჯერ მხოლოდ ორ, ჩადუნელებისა და კაპანაძეების უბნებში დაიწყო. როგორც, გამგეობაში ამბობენ, სულ 2 კილომეტრისა და 625 გრძივი წყალსადენის რეაბილიტაცია იგეგმება. სამუშაოები თვის ბოლომდე უნდა დასრულდეს.

„სამუშაოების დასრულების შემდეგ ახალი ქსელით, 116 ოჯახი ისარგებლებს“, - აცხადებს ბორჯომის მუნიციპალიტეტის გამგებელი დიმიტრი ყიფიანი.

ახალდაბის ქსელის რეაბილიტაციისათვის ადგილობრივი ბიუჯეტიდან 68.827 ლარი გაიხარჯება.

[sknews.ge]