ბორჯომში მესხეთის ქუჩაზე საფეხმავლო ბილიკი მოეწყო

გამგეობის ინფორმაციით, სარეაბილიტაციო სამუშაოები ლიკანის დასახლებაში სასტუმრო „რიქსოსიდან“ ე.წ. დიდ ხიდამდე განხორციელდა.

"მესხეთის ქუჩა ცენტალურ მაგისტრალს წარმოადგენს, სადაც საფეხმავლო ბილიკი წლების განმავლობაში დაზიანებული იყო და ადგილობრივების უკმაყოფილებას იწვევდა. ადგილობრივი მუნიციპალიტეტის დაფინანსებით, პროექტის ფარგლებში მოეწყო ასფალტობეტონის ტროტუარები, ორცხაურიანი კომბინირებული სანიაღვრე ჭა და ბორდიურები, შეკეთდა ქუჩაზე არსებული მოსაცდელი, დღეს უკვე მოსახლეობას მოწესრიგებული საფეხმავლო ბილიკით შეუძლია ისარგებლოს", – აცხადებენ ბორჯომის გამგეობაში.

გამგეობის ინფორმაციით, ტროტუარი ადაპტირებულია შეზღუდული შესაძლებლობის მქონე ადამიანებისათვის.

სამუშაოებისათვის ადგილობრივი ბიუჯეტიდან 104 940 ლარი გაიხარჯა.

[sknews.ge]